English

Smelltu hér til að sækja um!

Snorri West veitir Íslendingum á aldrinum 20-30 ára einstakt tækifæri til að kynnast sögu og þeim staðháttum sem biðu Vesturfaranna sem fluttu til Norður-Ameríku frá Íslandi. Hartnær 20% þjóðarinnar ákvað að leggja land undir fót frá miðri 19. öldinni og allt fram að fyrri heimsstyrjöld í leit að nýju lífi.

Þetta sumarævintýri stendur yfir í þrjár til fjórar vikur og munu þátttakendur: 

• Ferðast um Kanada og Bandaríkin.
• Heimsækja landsvæði þar sem íslenskir landnemar settust að á sínum tíma.
• Kynnast Íslendingasamfélaginu og afkomendum Vestur-Íslendinga og hvernig þeir halda sögunni í heiðri.
• Upplifa borgarmenningu, sögu og náttúru hvers staðar fyrir sig.
• Betrumbæta enskukunnáttu sína og mynda ævilöng vinatengsl.
• Og auðvitað margt fleira!

​Snorri West ævintýrið er skipulagt og framkvæmt af Þjóðræknisfélagi Íslendinga í Vesturheimi (INLNA) og Þjóðræknisfélagi Bandaríkjanna (INLUS), í samstarfi við Snorrasjóð á Íslandi. Aðaltilgangur Snorri West, eins og annarra Snorraverkefna, er að styrkja og mynda tengsl milli Íslendinga og afkomenda Vestur-Íslendinga í Norður-Ameríku.





sine.is/snorri-west-vidtal-vid-folkid-bak





​




​Bráðabirgðagsetningar ferðarinnar 2026 er 18. júní til 9. júlí 
með möguleika á framlegningu í Washingtonfylki til 16. júlí.
Umsóknarfrestur er til 16. febrúar og viðtöl við umsækjendur verða haldin 20. febrúar.

---

Hvert liggur leiðin?

Þar sem Norður-Ameríka er gríðarstór, og til þess að þátttakendur nái að kynnast staðháttum, þá er heimsálfunni skipt í fjögur svæði (corridors): Miðríki (Central corridor), Fjalla (Mountain corridor), Austur (Eastern corridor) og Kyrrahafi​ (Pacific corridor).  Einungis eitt svæði er heimsótt hverju sinni en skipt er um svæði á fjögurra ára fresti.

Skipuleggjendur Snorri West leggja sig alla fram við að hafa uppi á og mynda tengsl við ættingja þátttakenda í Norður-Ameríku.

Árið 2026 er ferðinni heitið til Kyrrahafsstrandarinnar. Þrjár vikur verða í Bresku Kólumbíu í Kanada og til boða stendur að lengja ferðina með vikudvöl í Washingtonfylki.
Til að lesa meira um svæðin fjögur ýttu hér: ​Snorri West Corridors

Innifalið í ferðinni!

• Flugmiði með Icelandair báðar leiðir, til og frá Keflavík. Athugið að innanlandsflug á Íslandi eru ekki innifalið.
• Húsnæði innifalið og fæði að mestu leyti.
• ​Ferðakostnaður í Norður-Ameríku.
• Ættfræðiþjónusta og hjálp við að hafa uppi á, kynnast og mynda tengsl við fjarskylda ættingja - sérstaklega innan þess svæðis sem heimsótt er hverju sinni. 
• Aðgangur að og þjálfun í að nota ættfræðigrunninn Icelandic Roots í þrjá mánuði.
• Menningar- og sögufræðsla.
• Skoðunarferðir og skemmti- og afþreyingardagskrá.
• Og margt fleira!​

*Ferða- og sjúkratryggingar eru ekki innifaldar en allir þátttakendur verður að kaupa þær sjálfir fyrir brottför. Nánari upplýsingar má lesa hér (á ensku): Snorri West Insurance Information

---

Nánari upplýsingar um dagskrána fyrir sumar 2026 má finna hér (á ensku):
Tentative itinerary for Snorri West 2026

Þú getur hitt vestur-íslenska ættingja þína!

Verkefnastjórar Snorri West vinna með ættfræðingum frá Icelandic Roots við að finna fjarskylda ættingja í Norður-Ameríku. Þátttakendur fá tækifæri til að hitta þá á ferðalagi sínu. Um leið og umsókn hefur verið samþykkt eru þátttakendur settir í samband við ættfræðing sem fræðir þá um möguleg skyldmenni í Norður-Ameríku.
​
Langflestir Íslendingar eiga ættingja í Norður-Ameríku!

Upplifanir fyrrverandi þátttakenda

Hvað hafa fyrrverandi þátttakendur sagt?

"Ég er svo þakklátur fyrir allt fólkið sem lagði alla þessa vinnu í að gera ferðina að veruleika fyrir okkur. Þetta var skemmtilegasta ferð sem ég hef farið í og ég hana að þakka öllu því frábæra fólki sem ég kynntist í ferðinni. Gestgjafafjölskyldurnar og skipuleggjendurnir stóðu sig ótrúlega vel í að bjóða og okkur velkomin og það var gaman að fá tækifæri til að kynnast þeim öllum." - Þátttakandi frá Verzlunarskóla Íslands

"Það var geðveikt að búa hjá gestgjafafjölskyldunum. Þau buðu okkur svo hjartanlega velkomin. Þakka ykkur öllum fyrir að gera þessa ferð svona æðislega upplifun, þessu hefði ég ekki viljað fórna fyrir neitt í heiminum" - Þátttakandi frá Menntaskólanum við Hamrahlíð

"Ég naut ferðarinnar virkilega vel og ég er mjög þakklát fyrir gæskuna, gestrisnina og gjafmildina sem við upplifðum hvert sem við fórum. Ég mun pottþétt heimsækja Kanada aftur til að hitta allt það frábæra fólk sem við kynntumst." - Þátttakandi frá Akureyri

Lestu fleiri umsagnir og ummæli hér.

Ferðakostnaður

Þátttökugjaldið 2026 er $3.500 CAD á mann (auka vika í Washington-fylki +$1.000 CAD)
Snorri West verkefnið er rausnarlega styrkt af samtökum og einstaklingum á Íslandi, Kanada og Bandaríkjunum og það er þeim að þakka að hægt er að bjóða upp á niðurgreitt þátttökugjald.

Flugmiðar til og frá Norður-Ameríku eru innifaldir, sem og allur samgöngukostnaður í Norður-Ameríku. Samgöngukostnaður á Íslandi (t.d. til að komast á flugvöllinn) er ekki innifalinn.

ÞÁTTTAKENDUM Í SNORRI WEST STENDUR TIL BOÐA AÐ SÆKJA UM EFTIRFARANDI STYRKI:
1. Icelandic National League of North America (Þjóðræknisfélag Íslendinga í Vesturheimi). Sóttu um hér: https://forms.gle/xkJw6Y6YpDUW1X6S6 
2. Icelandic Roots. Nánari upplýsingar má finna hér: www.icelandicroots.com/scholarships
3.  Þjóðræknisfélag Íslendinga (ÞFÍ) býður upp á styrki upp á 75.000 kr á mann. Nánari upplýsingar veitir Guðrún Ágústsdóttir formaður ÞFÍ, [email protected]
4. Hefur þú eða fjölskyldan þín tekið á móti Snorraþátttakanda í Snorraverkefninu á Íslandi? Þá stendur þér til boða að fá $275 CAD afslátt af Snorri West þátttökugjaldinu!

Þátttakendur þurfa sjálfir að bera kostnað af einum frjálsum degi í viku, minjagripum og persónulegum munum.
Þátttakendur þurfa einnig að vera með ferðatryggingu fyrir Norður-Ameríku sem dekkar sjúkrakostnað, neyðarflutning og forfallagjald.

Smelltu hér til að sækja um!

​Hægt er að lesa um aflýsingar og endurgreiðslur hér.