Ástrós Signýjardóttir
Varamaður í stjórn fyrir hönd Þjóðræknisfélag Íslendinga síðan 2014
Ástrós Signýjardóttir er fædd í Reykjavík, yngst fimm systkina. Hún bjó fyrstu æviár sín í Breiðholtinu en fluttist svo í Grafarvoginn þar sem hún bjó þar til hún fór að heiman. Eftir menntaskólann lá leiðin í hjúkrunarfræðinám við Háskólann á Akureyri en eftir einn vetur þar ákvað hún að breyta til og skrá sig í stjórnmálafræði við Háskóla Íslands, þaðan sem hún útskrifaðist með BA gráðu árið 2010. Eftir stjórnmálafræðina lá leiðin í meistaranám í alþjóðasamskiptum, sem lauk árið 2012. Ástrós hefur auk þess stundað framhaldsnám í þróunarfræði, en því er ólokið.
Ástrós útskrifaðist með diplóma-og kennararéttindi í listdansi árið 2006. Samhliða bæði menntaskóla-og háskólanámi vann hún við danskennslu og þolfimikennslu. Auk þess sat hún í Ungmennaráði UMFÍ og sótti á þeirra vegum fjölda ráðstefna er vörðuðu málefni ungs fólks og framtíð þeirra, bæði í Evrópu og á Norðurlöndunum. Árið 2011 var Ástrós ein af 25 þjóðkjörnum einstaklingum sem tóku sæti í Stjórnlagaráði, sem lagði fram tillögu að nýrri stjórnarskrá landsins.
Eftir útskrift frá Háskóla Íslands starfaði Ástrós m.a. sem verkefnastjóri hjá Unglingalandsmótum UMFÍ, sem flugfreyja hjá Icelandair í rúm tvö ár, við aðstoð auglýsingaframleiðslu hjá SagaFilm og Stórveldinu og svo tímabundið sem verkefnastjóri Snorrasjóðs í afleysingum. Í dag starfar Ástrós sem verkefnastjóri upplýsingaþjónustu norrænu ráðherranefndarinnar, Info Norden, sem hefur skrifstofu í húsnæði Norræna félagsins.
Ástrós er gift Huga Halldórssyni, framleiðanda og viðskiptastjóra. Þau eiga saman 4 börn og eina kisu. Þau búa í Garðabænum og njóta þess að eyða tíma með fjölskyldunni sinni, ferðast, hreyfa sig og fræðast.
Árið 2013 leysti Ástrós af þáverandi verkefnastjóra Snorrasjóðs sem var í fæðingarorlofi og sjá um sumarverkefnin 2014. Sama árið tók hún sæti í stjórn og hefur gengt því embætti síðan.
Ástrós útskrifaðist með diplóma-og kennararéttindi í listdansi árið 2006. Samhliða bæði menntaskóla-og háskólanámi vann hún við danskennslu og þolfimikennslu. Auk þess sat hún í Ungmennaráði UMFÍ og sótti á þeirra vegum fjölda ráðstefna er vörðuðu málefni ungs fólks og framtíð þeirra, bæði í Evrópu og á Norðurlöndunum. Árið 2011 var Ástrós ein af 25 þjóðkjörnum einstaklingum sem tóku sæti í Stjórnlagaráði, sem lagði fram tillögu að nýrri stjórnarskrá landsins.
Eftir útskrift frá Háskóla Íslands starfaði Ástrós m.a. sem verkefnastjóri hjá Unglingalandsmótum UMFÍ, sem flugfreyja hjá Icelandair í rúm tvö ár, við aðstoð auglýsingaframleiðslu hjá SagaFilm og Stórveldinu og svo tímabundið sem verkefnastjóri Snorrasjóðs í afleysingum. Í dag starfar Ástrós sem verkefnastjóri upplýsingaþjónustu norrænu ráðherranefndarinnar, Info Norden, sem hefur skrifstofu í húsnæði Norræna félagsins.
Ástrós er gift Huga Halldórssyni, framleiðanda og viðskiptastjóra. Þau eiga saman 4 börn og eina kisu. Þau búa í Garðabænum og njóta þess að eyða tíma með fjölskyldunni sinni, ferðast, hreyfa sig og fræðast.
Árið 2013 leysti Ástrós af þáverandi verkefnastjóra Snorrasjóðs sem var í fæðingarorlofi og sjá um sumarverkefnin 2014. Sama árið tók hún sæti í stjórn og hefur gengt því embætti síðan.
